Education

it is contains as Exam, Scholarship, paper, semester, primary, Grade 5, NIE, Tamil, Environment, English, Mathematics, Grade -1, Grade 2, Model, Results, Marks

Full Width CSS

LightBlog

Breaking

Browser லேபிளுடன் இடுகைகளைக் காண்பிக்கிறது. அனைத்து இடுகைகளையும் காண்பி
Browser லேபிளுடன் இடுகைகளைக் காண்பிக்கிறது. அனைத்து இடுகைகளையும் காண்பி

29 டிச., 2009

அதிக வாடிக்கையாளர்களைக் கவர்ந்து , Fire fox
டிசம்பர் 29, 2009

அதிக வாடிக்கையாளர்களைக் கவர்ந்து , Fire fox


http://tomuse.com/wp-content/uploads/2009/11/firefox-logo.png
தொடர்ந்து அதிக வாடிக்கையாளர்களைக் கவர்ந்து, இன்டர்நெட் எக்ஸ்புளோரர் தொகுப்பிற்கு போட்டியாக இயங்கும் பயர்பாக்ஸ் பிரவுசர், பல புதிய வழிகளில் மேம்பாடு அடைய உள்ளது. மொஸில்லா தன் இணைய தளத்தில் இதனைத் தெரிவித்துள்ளது.
இந்த மாற்றங்கள் இரண்டு நிலைகளில் ஏற்படுத்தப் படும். முதல் நிலை மாற்றங்கள் பயர்பாக்ஸ் பதிப்பு 3.7ல் அடுத்த ஆண்டின் தொடக்கத்தில் தரப்படும். மற்ற மாற்றங்கள் அனைத்தும் பயர்பாக்ஸ் தொகுப்பு 4ல் ஏற்படுத்தப்படும்.
பிரவுசர்களுக்கிடையேயான போட்டியில் தன் பயர்பாக்ஸ் நல்லதொரு இடத்தைப் பிடித்து வருவதனை மொஸில்லா நன்கு உணர்ந்துள்ளது. எனவே தான் எந்தவித ஆரவாரமும் ஆர்ப்பாட்டமும் இன்றி பல வசதிகளைத் தொடர்ந்து சேர்த்து வழங்கி வருகிறது.
தற்போதைய பயர்பாக்ஸ் முகப்பு தோற்றம் மிகப் பழமையாக இருப்பதாக மொஸில்லா எண்ணுகிறது. முகப்பு தோற்றத்தில், விஸ்டா தொகுப்பில் வந்த கிளாஸ் ஸ்டைலில் முதல் மாற்றம் இருக்கும் Page  மற்றும் Tools  என இரண்டு பிரிவுகள் மட்டுமே உள்ளதாக மெனு மாற்றி அமைக்கப்படும். Stop மற்றும் Reload ஆகிய இரண்டும் ஒரே பட்டனில் தரப்படும். மெனு பார் மறைக்கப்பட்டு ரிப்பன் ஸ்டைல் மெனு தரப்படும் என முன்பு அறிவித்தபோது பலத்த எதிர்ப்பு இருந்ததால், அதனைக் கைவிட்டுவிட்டது மொஸில்லா.
அட்ரஸ் பார் மற்றும் சர்ச் பார் ஒரே கட்டத்தில் தரப்படும். ஸ்டேட்டஸ் பார் எடுக்கப்படும். இவை எல்லாம் குரோம் பிரவுசர் போல தோற்றத்தைத் தருவதற்கான முயற்சிகள் என்று சிலர் கூறிய போது, மொஸில்லா அதனை வன்மையாக மறுத்து பயர்பாக்ஸ் எப்போதும் பயர்பாக்ஸ் போலத்தான் தோற்றமளிக்கும் எனக் கூறப்பட்டது.
அனைத்து பிரவுசர்களும் ஒரே மாதிரியான வேலையை மேற்கொள்வதால், சில வேளைகளில் இவை ஒன்றுக்கொன்று மற்றதைக் காப்பி செய்வது போலத் தோன்றுவதைத் தவிர்க்க முடியாது. ஆனாலும் ஒவ்வொரு பிரவுசரும் தனக்கென்று ஒரு தனித் தோற்றத்தைக் கொண்டுள்ளதை மறுக்க முடியாது.
பிரவுசர்களுக்கிடையே ஏற்பட்டுள்ள போட்டியில், இன்னும் இன்டர்நெட் தான் முதல் இடத்தில் உள்ளது. ஆனால் இன்டர்நெட் எக்ஸ்புளோரர் பதிப்பு 6ஐப் பயன்படுத்தும் வாடிக்கையாளர்களின் எண்ணிக்கை யைக் காட்டிலும் கூடுதலானவர்கள் பயர்பாக்ஸினைப் பயன்படுத்துகின்றனர்.
இன்டர்நெட் எக்ஸ்புளோரர் பயன்படுத்துவதை விட்டுவிட்டு, பலர் பயர்பாக்ஸ் பிரவுசருக்குத் தாவியதற்கு முக்கிய காரணம், இன்டர்நெட் எக்ஸ்புளோரரில் பல இடங்கள் ஹேக்கர்களுக்குச் சாதகமாக இருந்ததுதான். ஆனால் நிலைமை இப்போது தலைகீழாக மாறியுள்ளது. இணைய பாதுகாப்பு குறித்து ஆய்வு செய்திடும் ஸென்ஸிக் என்ற அமைப்பு அண்மையில் நடத்திய ஆய்வில், பயர்பாக்ஸ் பிரவுசர் தான் ஹேக்கர்கள் காணும் பலவீனமான இடங்களைக் கொண்டிருப்பதில் முதல் இடம் பெற்றுள்ளது என்பது தெரியவந்துள்ளது. இதன் பாதுகாப்பற்ற தன்மை 44 சதவீதம், சபாரி 35சதவீதம் மற்றும் இன்டர்நெட் எக்ஸ்புளோரர் 15சதவீதம் என அறிவித்துள்ளனர். இந்த ஆய்வின் நம்பகத் தன்மை இப்போது கேள்விக் குறியாகி இருந்தாலும், பயர்பாக்ஸ் ஏற்றுக் கொள்ளும் ப்ளக் இன் புரோகிராம்கள்தான் இந்த பாதுகாப்பற்ற தன்மையினைத் தருவதாக தெரியவந்துள்ளது. ஆனால், பயர்பாக்ஸ் உடனே தன் பிரவுசரில் இருந்த பலவீனமான இடங்களைச் சரி செய்துவிட்டது.
பயர்பாக்ஸ் 3.6 பீட்டா 2
பயர்பாக்ஸ் வாடிக்கையாளர்கள், இதன் பதிப்பு 3.5 னைத்தான் அதிகமாகப் பயன்படுத்து கின்றனர் என்றாலும், பலரும் ரிஸ்க் எடுத்து பயர்பாக்ஸ் 3.6 சோதனைத் தொகுப்பினையும் பயன்படுத்தி வருகின்றனர். இவர்களுக்கான சோதனைத் தொகுப்பு 2 அண்மையில் வெளியிடப்பட்டது. அதில் 190 பிரச்னைகள் சரி செய்யப்பட்டதாக அறிவிக்கப் பட்டுள்ளது.
சென்ற வாரம் வெளியான பயர்பாக்ஸ் 3.6 சோதனை பதிப்பு, விண்டோஸ் 7 ஆப்பரேட்டிங் சிஸ்டம் தரும் சில புதிய வசதிகளுக்கு இணைந்து வடிவமைக்கப் பட்டுள்ளது. ஏரோ பீக், டாஸ்க்பார் தம்ப்நெயில் பிரிவியூ போன்றவற்றை இதற்கு எடுத்துக் காட்டுக்களாகக் கூறலாம். ஆனால் விண்டோஸ் 7 தரும் ஜம்ப் லிஸ்ட்டின் வசதிகள் பயர்பாக்ஸ் பதிப்பில் இல்லை.
குறிப்பாக இதனுடன் இயங்க முடியாமல் இருக்கும் சாப்ட்வேர் புரோகிராம்களால், பயர்பாக்ஸ் கிராஷ் ஆவது தடுக்கப்பட்டுள்ளது.
பிரவுசரின் தோற்றத்தினை பயன்படுத்துபவர்கள் எளிதில் மாற்ற பெர்சனா என்ற டூலை மொஸில்லா வழங்கியது. இந்த தொகுப்பில் இன்னும் பல ஸ்கின்கள் தரப்பட்டுள்ளன. இப்போது பெர்சனாவில் ஒரே கிளிக் செய்வதன் மூலம் பயர்பாக்ஸ் தோற்றத்தினை மாற்றுவதற்கு வழி தரப்பட்டுள்ளது. வீடியோக்களை இயக்குகையில் முழு திரையிலும் பார்க்க வழி அமைக்கப்பட்டுள்ளது. இதனைப் பயன்படுத்து பவர்களுக்கு, பழசாகிப் போன, பயன்படுத்த முடியாத ப்ளக் இன் புரோகிராம்கள் குறித்த அறிவிப்பு வழங்கப்படுகிறது. ஆட் ஆன் தொகுப்புகள் புதிய பிரவுசர் தொகுப்பிற்கு ஏற்றவைதானா என்று அறிய ஆட் ஆன் கம்பாடிபிளிட்டி ரீடர் என்னும் புரோகிராம் டவுண்லோட் செய்து பயன்படுத்தும் வகையில் தரப்படுகிறது.
கம்ப்யூட்டரிலிருந்து பைலை பிரவுசரின் அட்ரஸ் பாரில் போட்டு திறக்க வழி செய்யப்பட்டுள்ளது.
மொஸில்லா என்ன செய்ய வேண்டும் என்பதனை கூகுள் தந்த குரோம் பிரவுசர் சுட்டிக் காட்டியது. அதே போல குரோம் பிரவுசரில் இருந்த புதிய வசதிகளை பயர்பாக்ஸ் தரத் தொடங்கியது. பிரவுசர் யுத்தத்தில் பயர்பாக்ஸ், குரோம் பிரவுசரை எதிர் கொண்டாலும், ஓப்பன் சோர்ஸ் அமைப்பில் இரண்டும் ஒரே மாதிரியான செயல்பாட்டினையே மேற்கொண்டுள் ளன என்பது குறிப்பிடத்தக்கது. எச்.டி.எம்.எல். வசதியை புரோகிராமிங் மற்றும் டிஸ்பிளேவுக்கான வலிமையான சாதனமாகக் கொண்டு வருவதில் இரண்டும் செயல்படுகின்றன.
பயர்பாக்ஸ் 3.7 அடுத்த 2010 ஆம் ஆண்டின் நடுவிலும், பதிப்பு 4 அடுத்து ஒரு ஆண்டிலும் வெளியாகும் என அறிவிக்கப்பட்டுள்ளது. இவற்றில் அறிவிக்கப்பட்டதைக் காட்டிலும் கூடுதலாகப் புதிய வசதிகள் கிடைக்கும் என்று எதிர்பார்க்கப்படுகிறது.
0
By - கருத்துகள் இல்லை:
Tagged In: ,

24 டிச., 2009

டிசம்பர் 24, 2009

உலவியில் புக்மார்குகளை எளிதாக கையாளுவதற்கு




நமது உலவியில் ஏதாவது வலைப்பக்கத்தை மேய்ந்துக் கொண்டிருக்கும் பொழுது, நாம் ஏற்கனவே சேமித்து வைத்த புக்மார்க்கிலிருந்து வேறு ஒரு பக்கத்தை திறக்க வேண்டுமெனில், மெனு பாரில் சென்றுதான் எடுக்க வேண்டும். சில சமயங்களில் நாம் முழு திரை வடிவில் உபயோகித்துக் கொண்டிருக்கும் பொழுது, மெனு பார் திரையில் தோன்றாது.

இது போன்ற சமயங்களில் நமது புக்மார்க் மெளசின் வலது கிளிக் Context menu வில் கிடைத்தால் எப்படி வசதியாக இருக்கும். இதோ உங்களுக்காக,

உலவும் திரையில் எங்கு வேண்டுமென்றாலும், மெளசை வலது கிளிக் செய்து Context மெனுவிலிருந்து புக்மார்கை திறக்க நெருப்பு நரிக்கான Context Bookmarks 1.4 நீட்சி. தரவிறக்கச் சுட்டி இறுதியில் உள்ளது. 

இதை பதிந்து கொள்வது மிகவும் எளிதானது. இதற்கான ஆப்ஷனில், கீழே உள்ளது போல உங்கள் வசதிக்கு மாற்றிக் கொள்ளலாம். 


  
இனி உங்கள் உலவியின் திரையில் எங்கு வலது கிளிக் செய்தாலும் புக்மார்க்ஸ் இறுதியாக சேர்க்கப்பட்டிருக்கும். 








0
By - கருத்துகள் இல்லை:
Tagged In:

7 டிச., 2009

டிசம்பர் 07, 2009

பாதுகாப்பான பிரவுசர் எது...???

ஸ்விஸ் கம்ப்யூட்டர் இஞ்சினியரிங் அண்ட் நெட்வொர்க்ஸ் லேபரட்டரி நிறுவனம் ஐ.பி.எம். மற்றும் கூகுள் நிறுவனத்துடன் இணைந்து 18 மாதங்கள் ஓர் ஆய்வினை மேற்கொண்டது. இறுதியாக எடுத்த முடிவுகள் பலரை ஆச்சரியத்தில் ஆழ்த்தி இருந்தாலும் ஆம், முடிவுகள் கூறுவது உண்மையே என்று ஒத்துக் கொண்டிருக்கின்றனர்.

இன்டர்நெட் பிரவுசிங் மேற்கொள்கையில் நாம் பலமுனை தாக்குதல்களுக்கு ஆளாகிறோம். வைரஸ் மற்றும் நம் கம்ப்யூட்டரைக் கைப்பற்றும் புரோகிராம்கள், பிரவுசர் புரோகிராமில் ஏதாவது ஒரு பிழை உள்ள இடத்தைக் கண்டுபிடித்து நுழைந்துவிடுகின்றன. இதனால் பிரவுசர்களை வழங்கியவர்கள் தொடர்ந்து பேட்ச் பைல்களை அமைத்துத் தந்து கொண்டிருக்கின்றனர்.

இவற்றை டவுண்லோட் செய்து பிரவுசரில் இணைத்துக் கொண்டால்தான் நாம் புதிய வைரஸ்களிலிருந்து நம்மைக் காப்பாற்றிக் கொள்ள முடியும். அப்படி அப்டேட் ஆக்கிக் கொள்ள வில்லை என்றால் நாம் பாதுகாப்பற்ற இன்டர்நெட் பிரவுசிங்தான் மேற் கொள்கிறோம். இந்த நோக்கில்தான் மேலே குறிப்பிட்ட ஆய்வு மேற்கொள்ளப்பட்டு பயர்பாக்ஸ் பிரவுசர் பயன்பாடுதான் பாதுகாப்பானது என்று கண்டறிந்துள்ளனர். இதோ அந்த ஆய்வு தந்த தகவல்கள். பயர்பாக்ஸ் பயன்படுத்துபவர்களில் 83% பேர் பேட்ச் பைல்களுடன் தங்களை அப்டேட் செய்து கொண்டுள்ளனர். சபாரி பிரவுசர் பயன் படுத்துபவர்களில் 65.3%, ஆப்பரா – 56.1%, இன்டர்நெட் எக்ஸ்புளோரர் – 47.6% மட்டுமே பேட்ச் பைல்களுடன் அப்டேட் செய்துள்ளனர். அனைத்து பிரவுசர்களுமே அவ்வப்போது வரும் ஆபத்துகளின் அடிப்படையில் உடனடியாக பேட்ச் பைல்களைத் தங்கள் இணைய தளங்களில் இலவசமாகத் தரும் பழக்கத்தினை மேற்கொண்டுள்ளனர்.

பிரவுசர் பேட்சிங் என்பது இன்றைய இணையப் பழக்கத்தில் இன்றியமையாத ஒரு செயல்பாடாக மாறிவிட்டது. இந்த ஆய்வு இன்னொரு உண்மையையும் கண்டறிந்துள்ளது. இன்டர்நெட் எக்ஸ்புளோரர் தொகுப்பு பயன்படுத்துவோர் தங்கள் பிரவுசர்களை அப்டேட் செய்வதில் சோம்பேறிகளாக உள்ளனர். இன்டர்நெட் எக்ஸ்புளோரர் தொகுப்பின் பதிப்பு 7 வெளியாகி 19 மாதங்கள் கழிந்தும் 52.5% பேரே தங்கள் பிரவுசரை அப்டேட்செய்துள்ளனர். ஆனால் பயர்பாக்ஸ் பயன்படுத்துபவர்களில் 92.2% பேர் அப்டேட் செய்துள்ளனர். இந்த ஆய்வு மேற்கொண்டவர்கள் சில பரிந்துரைகளையும் அளித்துள்ளனர்.

பிரவுசர் தொகுப்பு வழங்குபவர்கள் இந்த தேதி வரையே இது பாது காப்பானது என்று முத்திரை குத்தி அதனை அந்த நாளுக்கு முன் பயன் படுத்துபவருக்கு எச்சரிக்கையாகத் தர வேண்டும். இன்டர்நெட்டில் பயன்படுத்துபவர் இருக்கையில் அந்த பிரவுசர் தானாகத் தன்னை அப்டேட் செய்து கொள்ளும் வசதி இருக்க வேண்டும். மேலும் மைக்ரோசாப்ட் நிறுவனம் மாதம் ஒருமுறை மட்டும் முதல் செவ்வாய்க்கிழமை அப்டேட் செய்வதனைக் குறை கூறியுள்ளனர். இன்டர்நெட் எக்ஸ்புளோரர் பயன் படுத்தாத நிலையிலும் அது அப்டேட் செய்யப்படுகிறது. மேலும் ஒரு மாத கால இடைவெளி என்பது மிகவும் அதிகம் என்றும் குற்றம் சாட்டப்பட்டுள்ளது.
0
By - கருத்துகள் இல்லை:
Tagged In:

4 நவ., 2009

நவம்பர் 04, 2009

இன்டர்நெட் எக்ஸ்புளோரர் 8

பல்வேறு சோதனைத் தொகுப்புகளுக்குப் பின் இன்டர்நெட் எக்ஸ்புளோரர் பதிப்பு 8 தொகுப்பினை மைக்ரோசாப்ட் நிறுவனம் வெளியிட்டுள்ளது. இதனைப் பயன்படுத்திப் பார்க்க விரும்புபவர்கள் www.microsoft.com என்ற இணைய முகவரியில் உள்ள தளத்தை அணுகலாம்.

இந்த பதிப்பு பயர்பாக்ஸ் பதிப்பு 3க்கு சரியான போட்டியைத் தருகிறது எனச் சொல்லலாம். அடிப்படை பிரவுசிங் மற்றும் சார்ந்த கூடுதல் வசதிகள் என்று பார்த்தால் டேப்களை சிறப்பான முறையில் கையாளுதல், எளிதான சர்ச் பார், பலவிதங்களில் கூடுதல் பயன்தரும் வகையில் வடிவமைக்கப்பட்ட அட்ரஸ் பார், இணையத் தளங்களிலிருந்து நேரடியாகத் தகவல்களைத் தரும் பல டூல்கள் எனப் பலவற்றைக் கூறலாம். சென்ற ஜனவரியில் வெளியிட்ட சோதனைத் தொகுப்பிலிருந்து இது மாறுபட்டுள்ளது. இயங்கும் வேகம் கூடியுள்ளது. பல பிழைகள் சரி செய்யப்பட்டுள்ளன.

இயங்கும் வேகம் கூடுதல் என்பது உண்மையே என்றாலும் இதனை மற்ற பிரவுசர்களுடன் ஒப்பிட்டுப் பார்க்கையில் இதற்கும் பயர்பாக்ஸ் தொகுப்பிற்கும் இடையே வேக வித்தியாசம் அரை நொடிதான் இருந்ததாக ஆய்வு செய்தவர்கள் கூறுகின்றனர். வெவ்வேறு நாட்களில் ஒரே தளங்களை வெவ்வேறு நேரத்தில் டவுண்லோட் செய்து இந்த முடிவிற்கு வந்துள்ளனர்.


பிரவுசிங்கிற்குத் துணை செய்திடும் வகையில் பல முன்னேற்றமான வடிவமைப்புகள் பதிப்பு 8ல் தரப்பட்டுள்ளன. குறிப்பாக டேப்கள் அமைக்கப்படுவதனைக் கூறலாம். ஏற்கனவே திறக்கப்பட்டுள்ள தளத்தினுள்ளாக அதே பொருள் சார்ந்த இன்னொரு தளம் திறக்கப்பட்டால் அதன் டேப் தொடர்பான தளத்தின் டேப்பின் ஏற்கனவே திறக்கப்பட்ட டேப்பிற்குள்ளாக வலது ஓரமாக அமைக்கப்படுகிறது.


இரண்டிற்கும் ஒரே வண்ணம் அமைக்கப்படுகிறது. இதனால் பிரவுசிங் பணி எளிதாகிறது. எடுத்துக் காட்டாக ஒரு பொருள் குறித்து கட்டுரை எழுதுகையில் குறிப்பிட்ட பொருள் சார்ந்த தளங்கள் அனைத்தும் ஒரே டேப்பில் அமைக்கப்படுவதால் மாற்றி மாற்றி தளங்களைப் பார்வையிட்டு பொருள் தேட நாம் வரிசையாக பின் நோக்கியோ முன் நோக்கியோ செல்ல வேண்டியதில்லை. குரூப் செய்யப்படுவதாலும் குறிப்பிட்ட டேப்களை ஒரே வண்ணத்தில் அமைவதாலும் தளங்களைத் தேடும் பணி எளிதாகிறது.


இதில் இன்னும் ஒரு வசதியும் உள்ளது. திறக்கப்பட்ட ஒரு புதிய தளம் ஏற்கனவே திறக்கப்பட்ட தளம் சார்ந்தது என நாம் கருதினால் புதிய தளத்தின் டேப்பை மவுஸ் கர்சர் மூலம் இழுத்து வந்து சார்ந்த டேப்பினுள் விட்டுவிட்டால் அதன் உள்ளாக இதுவும் அமைந்து விடும். பின் இது தேவை இல்லை என உணர்ந்தால் இதனை விலக்கியும் வைக்கலாம். வேலை முடிந்து போனால் மொத்த தளங்களையும் மூட இந்த டேப்பினை ஒரு குரூப்பாக மூடிவிடலாம். இதில் ரைட் கிளிக் செய்து கிடைக்கும் மெனு அனைத்து வசதிகளையும் தருகிறது.


இவ்வகையில் இன்னொரு வசதியும் தரப்படுகிறது. அண்மையில் இறுதியாக மூடப்பட்ட தளத்தை மீண்டும் திறக்க பயன்படுத்துகிறோம். இதற்குப் பதிலாக அண்மையில் திறக்கப்பட்ட அனைத்து தளங்களின் டேப்களையும் பார்த்து அதில் நமக்குத் தேவையான தளத்தை மீண்டும் திறக்கும் வசதி இப்போது தரப்பட்டுள்ளது. எந்த ஒரு டேப்பிலும் ரைட் கிளிக் செய்து கிடைக்கும் மெனுவில் Recently Closed Tabs தேர்ந்தெடுத்து பின் அதில் நாம் விரும்பும் தளத்திற்கான டேப்பில் கிளிக் செய்திடலாம்.

புதிய டேப்கள் திறக்கப்படுகையில் அதில் இவ்வகையான பல்வேறு தொடுப்புகள் (Links) தரப்படுகின்றன. ஹிஸ்டரி பட்டியலில் சிக்காமல் பிரவுசிங் பணி மேற்கொள்ள In Private Browsing பிரிவு தரப்படுகிறது. இதில் கிளிக் செய்து பிரவுசிங் மேற்கொண்டால் நாம் பார்க்கும் தளங்களின் பட்டியலை அடுத்தவர் அறிய முடியாது. (இது குறித்து கீழே தகவல் தரப்பட்டுள்ளது). "Accelerator" என்றும் ஒரு பிரிவு உள்ளது. இதன் மூலம் இணைய தளங்களில் நமக்குத் தேவைப்படும் பொருளை வேகமாகப் பெற முடிகிறது.

மேலும் இன்டர்நெட் சைட்டிலிருந்தே இமெயில் அனுப்பும் வசதிக்கென ஒரு பிரிவும் உள்ளது. ஒவ்வொரு டேப்பும் தனிமைப் படுத்தப்பட்டுள்ளதால் ஒரு டேப்பில் உள்ள தளம் கிராஷ் ஆனால் பிரவுசரே மூடப்படும் நிகழ்வெல்லாம் இனி நடக்காது.

அட்ரஸ் பாரிலும் புதிய மாற்றங்களும் வசதிகளும் தரப்பட்டுள்ளன. இந்த பார் தளங்களின் முகவரி அடிக்க மட்டுமல்ல; பயர்பாக்ஸ், குரோம் பிரவுசர்களில் உள்ளது போல இதனை தேடுதல் செயல்பாட்டிற்கான விண்டோவாகவும் கொள்ளலாம். ஒரு சிறிய சொல்லை டைப் செய்தவுடனேயே அது சார்ந்த தளங்களும் பட்டியலிடப்படும். அதே நேரத்தில் நாம் ஏற்கனவே சென்று பார்த்த சார்ந்த தளங்களும் பட்டியலிடப்படும்.



இன்டர்நெட் எக்ஸ்புளோரர் பதிப்பு 8ல் மிகச் சிறந்த வசதியாக ஒன்றைக் குறிப்பிட வேண்டும். அது Accelerators and Web Slices என்னும் வசதி ஆகும். இதன் மூலம் இணைய தளங்களைத் திறந்து பார்க்காமலேயே அதிலிருந்து தகவல்களைப் பெறும் வசதி தரப்பட்டுள்ளது. இன்னொரு தளத்திலிருந்து தகவல்கள் தற்போது பார்க்கும் தளப் பக்கத்திலேயே தரப்படுகிறது. இதில் ஒரு சிறிய பிரச்சினை எனக்கு ஏற்படுகிறது. கூகுள் கியர்ஸ் ஏற்கனவே பதியப்பட்ட கம்ப்யூட்டர்களில் இந்த வசதி எடுபடவில்லை.

பாதுகாப்பு மற்றும் பெர்சனல் வசதிகள்: இந்த புதிய பிரவுசர் பதிப்பில் பல பாதுகாப்பு மற்றும் பெர்சனல் வசதிகள் தரப்பட்டுள் ளன. இதில் பலரின் கவனத்தைக் கவர்ந்தது InPrivate Brosing வசதிதான். இந்த வழியாக பிரவுசிங் மேற்கொள்கையில் நீங்கள் பார்க்கும் தளங்கள் ஹிஸ்டரி பட்டியலில் சேராது. அவை சார்ந்த குக்கீஸ் பைல்கள், தற்காலிக இன்டர்நெட் பைல்கள், படிவங்கள் மற்றும் அதில் தந்த விபரங்கள், யூசர் நேம், பாஸ்வேர்ட் என எதுவும் பதியப்படாது. அந்த தளத்தை மூடுகையில் எந்த சுவடும் இன்றி அனைத்தும் அழிக்கப்பட்டுவிடும்.


இதைக் காட்டிலும் மிக முக்கியமான வசதி கெடுதல் தரும் புரோகிராம்களைத் தடுக்கும் malware protection வசதியாகும். ஏற்கனவே இன்டர்நெட் எக்ஸ்புளோரர் 7ல் தரப்பட்டிருந்த antiphishing filterI இன்னும் நுண்மையாக வடிவமைத்து Smart Screen filter என்ற பெயரில் மைக்ரோசாப்ட் தந்துள்ளது.

பிஷ்ஷிங் விஷயங்களைத் தடுப்பதுடன் அத்தகைய தளங்களை அணுக முயற்சிக் கையில் இந்த தளத்தில் மால்வேர் எனப்படும் கெடுதல் சமாச்சாரங்கள் உள்ளன என்ற எச்சரிக்கையினை SmartScreen filter தருகிறது.

மால்வேர் பைல்களிலிருந்து இந்த பிரவுசர் தரும் பாதுகாப்பினை எஸ்.எஸ். லேப்ஸ் நிறுவனம் இதனையும் பயர்பாக்ஸ் 3.0.7, சபாரி 3, குரோம் 1.0.154, ஆப்பரா 9.64 மற்றும் எக்ஸ்புளோரர் பதிப்பு 7 ஆகிய தொகுப்புகளுடன் ஒப்பிட்டுப் பார்த்தது. பதிப்பு 492 மால்வேர் பைல்களில் 64% ஐத் தடுத்தது. பயர்பாக்ஸ் 30% மட்டுமே தடுத்தது. ஆப்பிள் சபாரி 24% தடுத்தது. கூகுள் குரோம் இந்த வரிசையில் நான்காவதாக வந்து 16% மட்டுமே தடுத்தது.


ஆப்பரா மற்றும் இன்டர்நெட் எக்ஸ்புளோரர் 7 தொகுப்புகள் முறையே 5% மற்றும் 4% மட்டுமே தடுத்தன. இது பாதுகாப்பே அல்ல என்று என்.எஸ்.எச். லேப்ஸ் அறிவித்துள்ளது. இந்த ஆய்வுக் கூடம் தந்திருக்கும் ஆய்வு அறிக்கையை இந்த முகவரியில் உள்ள தளத்திலிருந்து பி.டி.எப். பைலாக டவுண்லோட் செய்து படிக்கலாம்.

அடுத்ததாக நம் கவனத்தைக் கவர்வது

InPrivate Filtering என்னும் வசதியாகும். பொதுவாக இணைய தளங்களை வடிவமைப்பவர்கள் அவர்கள் தளத்தை நீங்கள் பார்க்கையில் உங்களுடைய பிரவுசிங் ஆர்வம் எதில் உள்ளது என்று அறிந்து பதிந்து கொள்வார்கள். இது உங்களை அறியாமலேயே நடக்கும். அடுத்த முறை நீங்கள் இந்த தளத்திற்குச் செல்கையில் நீங்கள் கேட்காமலேயே உங்கள் ஆர்வத்தின் அடிப்படையில் இயங்கும் தளங்களுக்கு தொடுப்புகள் (Links) தரப்படும்.


இது போல தர்ட் பார்ட்டி தளங்களுக்குத் தகவல் தரும் முயற்சி InPrivate Filtering மூலம் தடை செய்யப்படுகிறது. நீங்கள் இதனை அனுமதித்தால் ஒழிய பார்த்துக் கொண்டிருக்கும் தளங்கள் உங்களைப் பற்றிய குறிப்புகளை மற்ற தளங்களுக்கு அனுப்ப முடியாது.

இந்த வசதி செயல்பட்டுக் கொண்டிருப்பதனை பிரவுசரின் கீழாக வலது புறத்தில் உள்ள பூட்டு போன்ற தடை அடையாளத்தின் மேலாக அம்புக்குறி போன்ற ஐகான் தோன்றுவதை வைத்து கண்டு கொள்ளலாம். இந்த ஐகான் சாம்பல் நிறத்தில் வெளிறிய வண்ணத்தில் இருந்தால் இது செயல்படவில்லை என்று பொருள். அது தெளிவான வண்ணத்தில் இருந்தால் அது இயங்கிக் கொண்டிருப்பதனைக் காட்டுகிறது.


இயங்காமல் இருப்பின் இதனை இயக்க Safety>InPrivate Filtering எனத் தேர்ந்தெடுப்பதன் மூலம் மேற்கொள்ளலாம். அல்லது Ctrl Shift F என்ற கீகளை அழுத்துவதன் மூலம் இயக்கலாம். இந்த செயல்பாட்டினை நீங்கள் முன் கூட்டியே செட் செய்தும் வைக்கலாம். அந்த ஐகானின் வலது பக்கம் கிளிக் செய்து கிடைக்கும் மெனுவில் "Automatically block" ”அல்லது "Choose content to block என்ற இரண்டில் நீங்கள் விரும்பும் வகையில் செட் செய்து கொள்ளலாம்.

இப்போதெல்லாம் கிளிக் ஜாக்கிங் என்னும் கெடுதல் வேலை பல தளங்களில் உள்ளது. அதாவது ஏதாவது ஒரு பட்டனை சில தகவல்களுக்காக கிளிக் செய்யும்படி தளத்தில் தரப்பட்டிருக்கும். ஆனால் கிளிக் செய்ய வேண்டிய அந்த பட்டனின் கீழாக வேறு ஒரு பட்டன் தொடுப்பாக இருக்கும். கிளிக் செய்தவுடன் உங்கள் பெர்சனல் தகவல்களைத் திருடும் கட்டுப்பாட்டு சாதனங்கள் இயக்கப்பட்டு நீங்கள் கைதியாக்கப்படுவீர்கள். இதனை "clickjacking"என அழைக்கின்றனர். தொழில் நுட்ப ரீதியில் சொல்வதென்றால் இதனை crosssite scripting attacks என அழைக்கலாம். இந்த முயற்சியை இன்டர்நெட் எக்ஸ்புளோரர் பதிப்பு 8 தடுக்கிறது.

பொதுவாக குக்கிகள் நன்மை தரும் செயல்களுக்காகவே அமைக்கப்படுகின்றன. நாம் தளங்களுக்குத் தர வேண்டிய தகவல்களை நினைவில் வைத்து மீண்டும் அந்த தளங்களுக்குச் செல்கையில் அவற்றை மீண்டும் கேட்டுப் பெறாமல் விரைவாக இயங்க இந்த குக்கிகள் உதவிடுகின்றன.


இதே போர்வையில் சில கெடுதல் விளைவிக்கும் குக்கிகளும் அமைக்கப்பட்டு நம் பெர்சனல் தகவல்கள் திருடப்படுகின்றன. அப்படியானால் அவற்றை மட்டும் நாம் அழிக்க முடியாதா? என்ற கேள்வி வரும். இதுவரை அவ்வாறு பிரித்து அழிக்க முடியவில்லை. இன்டர்நெட் எக்ஸ்புளோரர் 7 மற்றும் பிற பிரவுசர்களில் இந்த வசதி தரப்படவில்லை. அழித்தால் அனைத்து குக்கீகளும் அழிந்தன. இல்லை எனில் அனைத்தும் தங்கின.

தேவையான குக்கிகளை வைத்துக் கொண்டு தேவையற்றதை அழிக்கும் வசதி பதிப்பு 8ல் இது தரப்பட்டுள்ளது. Delete Browsing History என்னும் திரையில் இதற்கான வசதி தரப்படுகிறது. நீங்கள் வைத்துக் கொள்ள விரும்பும் குக்கிகளை மட்டும் வைத்துக் கொண்டு மற்ற அனைத்து குக்கிகளையும் நீக்கலாம்.


இதற்கு முதலில் Safety> Delete Browsing History என்பதனைத் தேர்ந்தெடுங்கள். இந்த தேர்விற்கு Ctrl Shift Del என்ற கீகளையும் பயன்படுத்தலாம். இங்கு Preserve Favorites Web site data என்ற பிரிவில் எந்த வெப் சைட் எடுத்துக் கொண்டுள்ள டேட்டாவினை, அதாவது உருவாக்கிய குக்கிகளை, வைத்துக் கொள்ள வேண்டும் என எண்ணுகிறீர்களோ அவற்றிற்கு முன்னால் உள்ள கட்டங்களில் உள்ள டிக் அடையாளத்தை அமைத்துவிடவும். மற்றவை நீங்கள் அழித்திட கட்டளை கொடுக்கையில் அழிக்கப்படும்.

சில வேளைகளில் இன்டர்நெட் வெப்சைட்டின் முகவரி மிகவும் நீளமாக இருக்கும். குழப்பம் தரும் வகையில் சில எழுத்துக்களும் இருக்கும். நமக்கு இது எந்த தளத்தைக் குறிக்கிறது என்ற சந்தேகம் வரும். இந்த பிரவுசரில் தளத்தின் முதன்மைப் பெயர் மட்டும் மாறுபட்ட பின்னணியில் காட்டப்படும். மற்றவை கிரே கலரில் இருக்கும்.


சர்ச் பார் இயங்குவதில் பெரிய மாற்றங்கள் தரப்பட்டுள்ளன. தளங்களை சிறிய அளவில் பிரிவியூ செய்து, தேவைப்பட்டால் செல்லும் வகையில் இவை இயங்குகின்றன. உங்களுடைய தேடுதல் சொற்களுக்கேற்ப சிறிய தம்ப் நெயில் படங்களை சர்ச் புரவைடர் தரலாம். தேடுதல் சொற்களை டைப் செய்தவுடன் அந்த சொல் சார்ந்த தளங்களையும் சர்ச் புரவைடர் தரலாம். சர்ச் பார் பொதுவாக ஒன்று தரப்படுகிறது. அதன் கீழாக அனைத்து சர்ச் புரவைடர்களின் ஐகான்களும் தரப்பட்டுள்ளன. தேடுதல் சொற்களை டைப் செய்து விருப்பப்படும் சர்ச் இஞ்சினில் தேட கட்டளை கொடுக்கலாம்.


சர்ச் பாக்ஸில் "Find on This Page" என்ற வசதி இணைக்கப் பட்டுள்ளது. இதன்படி ஒரு தேடல் சொல்லை சர்ச் பாக்ஸில் டைப் செய்து என்டர் தட்டுகிறீர்கள். பின் மீண்டும் சர்ச் பாக்ஸில் கிளிக் செய்து பின் Find கிளிக் செய்கிறீர்கள்.

இப்போது கிடைக்கும் இணையப் பக்கத்தில் நீங்கள் தேடுதலுக்காக டைப் செய்த சொல் அந்தப் பக்கத்தில் எங்கெல்லாம் உள்ளதோ அவை அனைத்தும் மஞ்சள் வண்ணத்தில் கிடைக்கும். "Find on This Page" டூல் பார் சர்ச் பாக்ஸிலேயே கிடைக்கிறது.

பல இணைய தளங்கள் இன்டர்நெட் எக்ஸ்புளோரர் 7ல் இயங்கக் கூடிய தன்மையுடன் மட்டுமே வடிவமைக்கப்பட்டிருக்கும். இத்தகைய தளங்களுக்காக அவை இயக்கப்படுகையில் நீங்கள் இன்டர்நெட் எக்ஸ்புளோரர் 7ஐ இயக்குவது போன்ற காட்சி காட்டப்படுகிறது. இது Compatibility Viewஎன அழைக்கப்படுகிறது. இது போன்ற தோற்றம் கிடைக்கையில் அந்த டேப்பில் சிறிய மஞ்சள் நிற பலூன் டிப் தோன்றுகிறது.


Compatibility View தோன்றக் கூடிய தளங்களை நீங்கள் அணுக இருக்கிறீர்கள் என்பது அதே போல அட்ரஸ் பாரின் வலது பக்கத்தில் அப்பக்கத்தின் சிதைந்த ஐகான் ஒன்று தோற்றமளிக்கிறது. இதனை உணர்ந்து அதில் கிளிக் செய்தால் இந்த வியூ கிடைக்கிறது. இதைப் போன்ற ஒரு தளத்திற்கு ஒரு முறை இந்த வியூவில் சென்றுவிட்டால் பதிப்பு 8 அதனை நினைவில் கொண்டு அடுத்த முறை தானாக Compatibility View வில் இணையப் பக்கத்தினைக் காட்டுகிறது. ஒவ்வொரு முறையும் ஐகானில் கிளிக் செய்திடத் தேவையில்லை.


மைக்ரோசாப்ட் நிறுவனம் இதனை அறிமுகப்படுத்துகையில் இந்த பிரவுசர் தன் இன்டர்நெட் எக்ஸ்புளோரர் 7 தொகுப்பு மட்டுமின்றி மற்ற பிரவுசர்களைக் காட்டிலும் அதிக வேகமாக இயங்குவதாக அறிவித்துள்ளது. இதனை ஒவ்வொருவரும் தங்கள் பிரவுசிங் அனுபவத்திலிருந்துதான் உறுதி செய்திட வேண்டும். டேப்களைக் கையாளுதல், சர்ச் பாக்ஸ் கூடுதல் திறன் ஆகியவற்றின் அடிப்படையில் பதிப்பு 8 சிறந்ததுதான். இந்தப் பட்டியலில் பயர்பாக்ஸில் இல்லாத ஹிஸ்டரிக்குச் செல்லாத தனி நபர் பிரவுசிங்கையும் சேர்த்துக் கொள்ள வேண்டியதுதான். மால்வேர் பைல்களிருந்து பாதுகாப்பு, வெப் ஸ்லைசஸ் மற்றும் ஆக்ஸிலரேட்டர் ஆகியவையும் இந்த பட்டியலில் சேர்த்துக் கொள்ளலாம். ஆனால் பயர்பாக்ஸ் ஆட் ஆன் தொகுப்புகள் அமைக்க வழங்கும் வசதியை மைக்ரோசாப்ட் தன் பிரவுசர்களுக்கு வழங்கவில்லை என்பது என்றைக்கும் ஒரு குறையே.

இன்டர்நெட் எக்ஸ்புளோரர் 9 அண்மைச் செய்தி

இரு வாரங்களுக்கு முன் வெளியான இன்டர்நெட் எக்ஸ்புளோரர் பதிப்பு 8 பரவலாகப் பயன்படுத்தப்பட்டு வருகிறது. அதிக வசதிகள் கொண்ட பிரவுசர் என அனைவரும் பாராட்டுகின்றனர். புதியதாக 2.59 சதவிகிதத்தினர் இதனைப் பயன்படுத்த முன்வந்தனர். இதனைப் பயன்படுத்தியவர்கள் பலரும் இதனால் கவரப்பட்டுள்ளனர் என்று அவர்களின் பிளாக்குகளில் உள்ள தகவல்கள் தெரிவிக்கின்றன. இருப்பினும் ஒரு சிலர் மீண்டும் அவர்கள் பயன்படுத்திய பழைய பிரவுசர்களுக்கே திரும்பி விட்டதாகத் தெரிகிறது. தற்போது இதனைப் புதியதாகப் பயன்படுத்தியவர்களின் எண்ணிக்கை 1.85 சதவிகிதம் என்று அறியப்பட்டுள்ளது. இன்டர்நெட் எக்ஸ்புளோரர் மட்டுமே எங்கள் பிரவுசர் என்று முடிவெடுத்தவர் களில் சிலருக்கு பதிப்பு 8 திருப்தியாக இல்லாததால் பதிப்பு 7க்கே மீண்டும் சென்று விட்டதாகத் தெரிகிறது.

இருப்பினும் மொத்த இன்டர்நெட் பயன்படுத்துபவர்களில் 67 சதவிகிதத்தினர் இன்டர்நெட் எக்ஸ்புளோரர் பிரவுசரையே பயன்படுத்தி வருகின்றனர். இதனை அடுத்து 22 சதவிகிதத்தினர் பயர்பாக்ஸ் பயன்படுத்துகின்றனர். இன்டர்நெட் எக்ஸ்புளோரர் தொகுப்பிலிருந்து பயர்பாக்ஸ் பிரவுசருக்கு மாறுபவரின் எண்ணிக்கை தொடர்ந்து அதிகரித்து வந்தது. இதனைத் தடுக்கும் வகையில் தங்களது இன்டர்நெட் எக்ஸ்புளோரர் பதிப்பு 8 இருக்கும் என்று மைக்ரோசாப்ட் அறிவித்திருந்தது. இது நிறைவேறுமா என்று இனிமேல் தான் பார்க்க வேண்டும். சில பிரச்சினைகளும் எடுத்துச் சொல்லப்படுகின்றன. வெப்சைட்டுகளிலிருந்து பட ங்களை பிரிண்ட் செய்திட காப்பி செய்தால் பைல் சைஸ் 4 ஜிபியாக அமைகிறது.
0
By - கருத்துகள் இல்லை:
Tagged In:

30 அக்., 2009

அக்டோபர் 30, 2009

'அப்புறமா படிக்க' பயனுள்ள பயர்பாக்ஸ் நீட்சி



இணையத்தில் உலவிக்கொண்டிருக்கும் போது காணும் பக்கங்களை உடனுக்குடன் அனைத்தையும் படிப்பது இயலாத காரியம். சில முக்கிய பக்கங்களை பின்பு படிக்கலாம் என்று குறித்து வைக்கலாம். இது போன்ற தருணங்களில் பயர்பாக்சில் புக்மார்க்ஸ் உபயோகிப்பதுண்டு.

இதில் என்ன பிரச்சினை என்றால் படித்து முடித்தவற்றை உடனே நீக்காவிடில் நாளடைவில் புக்மார்க்ஸ் நிரம்பி வழிந்து விடும். பின்பு மொத்தமாக நீக்க முயலும் போது தேவையானவை / தேவையற்றவை போன்றவற்றை பிரித்து நீக்குவது கடினமாக இருக்கும்.

இதனை எளிதாக்க பயர்பாக்சில் ஒரு நீட்சி (Extension) உள்ளது. Read It Later என்பதுதான் அது. இந்த நீட்சியை இங்கு சென்று தரவிறக்கி உங்கள் பயர்பாக்சில் நிறுவி கொள்ளுங்கள்.

பயர்பாக்சின் அட்ரஸ் பாரில் புதிய Tick ஐகான் பார்க்க முடியம். வலது ஓரத்தில் மற்றுமொரு புதிய Read It Later ஐகான் இருக்கும். இணைய பக்கங்களை காணும் போது டிக் ஐகானை கிளிக் செய்து அந்த பக்கத்தை பின்பு படிக்க குறித்து வைத்து கொள்ளலாம். குறித்து வைத்த பக்கங்களை படித்து முடித்த பின்பு இதே டிக் ஐகானை கிளிக் செய்து பட்டியலில் இருந்து நீக்கி விடலாம்.


ஒரு இணையபக்கத்தில் உள்ள லிங்க்குகளை வரிசையாக ஒவ்வொன்றாக குறித்து வைத்து கொள்ள Alt + M கீகளை அழுத்தி Save Mode Active செய்து கொள்ளுங்கள். இனி நீங்கள் கிளிக் செய்யும் ஒவ்வொரு பக்கமும் குறித்து வைக்கப்பட்டு விடும்.


வலது ஓரத்தில் உள்ள Read It Later ஐகானை கிளிக் செய்தால் நாம் குறித்து வைத்துள்ள பக்கங்களை பார்க்கலாம். வரிசைப்படுத்தி கொள்ளும் வசதியும் அங்குண்டு.


இன்னொரு முக்கிய வசதியும் இதில் உண்டு. Read Offline. நீங்கள் குறித்து வைத்துள்ள பக்கங்களை பயணிக்கும் போதோ / இணைய இணைப்பு இல்லாத போது படிக்க முடியும். Read Offline கிளிக் செய்து கொள்ளுங்கள். நீங்கள் குறித்து வைத்துள்ள பக்கங்கள் எல்லாம் கணினியில் சேமிக்கப்பட்டு விடும்.


பின்பு இணைய இணைப்பு இல்லாத போது, பயர்பாக்சில் File மெனுவில் Work Offline கிளிக் செய்து கொள்ளவும். பின்பு நீங்கள் குறித்து வைத்துள்ள பக்கங்களை படிக்கவும்.

இந்த வீடியோவில் எளிய விளக்கங்கள் கொடுக்கப்பட்டுள்ளன.


இந்த நீட்சியை உபயோகித்து பாருங்கள். அப்புறமா படிக்க வேண்டியவற்றை குறித்து வைத்து கொண்டு, படித்து விட்டு நீக்கி விடுங்கள்.
0
By - கருத்துகள் இல்லை:
Tagged In:
அக்டோபர் 30, 2009

டாஸ்க்பார் வழி இணையதளத்தேடல்..

பொதுவாக நாம் இணையப் பக்கங்களைக் காண இன்டர்னெட் எக்ஸப்ளோர், பயர்பாக்ஸ் போன்ற பிரௌசர்களையே பயன்படுத்தி வருகிறோம். பிரௌசரைத் திறந்து அதன் அட்ரஸ்பாரில் நமக்குத் தேவையான முகவரிகளை இட்டுத் தான் தேடி வருகிறோம். இன்னும் சிலர் கூகுள் உள்ளிட்ட தேடுதளங்கள் வழியாகத் தான் சென்று தேடுவார்கள்..

இவ்வழிமுறைக்கு மாற்றாக நம் கணினித் திரையிலேயே ஒரு அட்டரஸ் பாரை உருவாக்கிக் கொள்ளலாம்...

வழி : 
1.நம் கணினித் திரையில் காலம் காட்டும் பகுதிக்குச் செல்லவும்.
2.நாள் நேரம் குறிக்கும் பகுதியில் நம் சுட்டியை வலதுபுறம் சொடுக்கினால்...
அதில் கீழ்க்காணும் படத்தில் உள்ளது போல டூல்பார் - அட்ரஸ் என்று வரும் அதில் அட்ரஸ் என்னும் பகுதியைச் சொடுக்கினால..



நாள் , நேரத்துக்கு அருகே அட்ரஸ் என்னும் புதிய பகுதி தோற்றம் தரும்.
3. அட்ரஸ் என்னும் பகுதியை நம் சுட்டியில் சுட்டி இழுத்தால் புதியதொரு அட்ரஸ் பார் பகுதி தோன்றும். அந்த முகவரிப் பட்டையை நாம் விரும்பும் இடங்களில் மேலோ, கீழோ வைத்துக்கொள்ளலாம்.




4. அதில் நமக்குத் தேவையான தளங்களை உடனுக்குடன் தேடிப்பெறலாம்..
பிரஸர் வழியாகச் சென்று தேடுதளங்கள் வழியே தேடும் நிலைக்கு மாற்றாகவும் நமக்கு ஒரு புதிய அனுபவமாகவும் இம்முறை அமைகிறது...
0
By - கருத்துகள் இல்லை:
Tagged In:

18 அக்., 2009

அக்டோபர் 18, 2009

நெருப்பு நரி உலவியில் எளிதாக உலவ சில வழிமுறைகள்..


உலவும் திரையின் அளவை மேலும் பெரிதாக்க..,
View - Toolbars - Customize சென்று "Use Small Icons". என்பதை தேர்வு செய்யுங்கள்.

கீபோர்டு ஷார்ட்கட்:-

Space: Scroll down செய்ய.
Shift + Spacebar: Scroll up செய்ய.
Ctrl + D: வலைப்பக்கத்தை புக்மார்க்ஸ் செய்ய.
Ctrl + T: புதிய டேபை திறக்க.
Ctrl + K: Search Box ஐ ஃபோகஸ் செய்ய.
Ctrl + L: Address bar க்கு செல்ல.
Ctrl + +: எழுத்துக்களின் அளவை பெரிதாக்க.
Ctrl + -: எழுத்துக்களின் அளவை சிறிதாக்க.
Ctrl-W: Current tab ஐ மூட.
F5: Refresh அல்லது Reload செய்ய.
Alt + Home: உங்களுடைய homepage இற்கு செல்ல.

Ctrl + Tab: அடுத்த டேபிற்கு செல்ல.
Ctrl + Shift + Tab: முந்தைய டேபிற்கு செல்ல.
Ctrl +1-9: குறிப்பிட்ட டேப் எண்ணிற்கு செல்ல.,




ஒரு சிலர் ஒரு குறிப்பிட்ட வலைப்பக்கத்திற்கு செல்ல (உதாரணமாக GOOGLE) அட்ரஸ் பாரில், www.google.com என டைப் செய்வார்கள். எளிதான வழி.,
அட்ரஸ் பாரில் google என டைப் செய்து Ctrl+Enter கீயை அழுத்தினால் அதுவாகவே "www" மற்றும் ".com" ஐ சேர்த்துக்கொள்ளும்.
தேவையான வலைப்பக்கம் ".net" ஆக இருந்தால் Shift+Enter. ".org" ஆக இருந்தால் Ctrl+shift+Enter.

மௌஸ் ஷார்ட்கட்:-

தேவையான லிங்கில் ஸ்க்ரோல் பட்டனை (Center Button) அழுத்தினால் புதிய டேபில் வலைப்பக்கம் திறக்கும்.

Shift + Wheel down: முந்தைய பக்கத்திற்கு செல்ல.
Shift + Wheel up: அடுத்த பக்கத்திற்கு செல்ல.
Ctrl + Wheel up: எழுத்துக்களை சிறிதாக்க.
Ctrl + Wheel down: எழுத்துக்களை பெரிதாக்க.
டேபில் வைத்து ஸ்க்ரோல் பட்டனை அழுத்தினால் அந்த டேப் மூடிவிடும்.

0
By - கருத்துகள் இல்லை:
Tagged In:
அக்டோபர் 18, 2009

நெருப்பு நரியில் டவுன் லோடு லொகேஷனை மாற்ற...


நெருப்பு நரி உலவியில் வழக்கமாக நாம் டவுன்லோடு செய்யும் பொழுது அந்த கோப்புகள் My Documents\Downloads  அல்லது  Desktop போன்ற ஏதாவது ஒரு குறிப்பிட்ட லொகேஷனில் சேமிக்கப்படும்.

இந்த லொகேஷனை மாற்றி நாம் உருவாக்கிய ஏதாவது ஒரு ஃபோல்டரில் (உதாரணமாக E:\My Downloads) டவுன்லோடு செய்ய என்ன செய்யலாம்.

மிகவும் எளிதான வழி..,

நெருப்பு நரி உலவியில் Tools மெனுவிற்கு சென்று Options கிளிக் செய்யவும். இனி திறக்கும் Options டயலாக் பாக்ஸில் Main டேபிற்கு செல்லவும்.



இதில் Save Files to என்பதற்கு நேராக உள்ள Browse பொத்தானை கிளிக் செய்து தேவையான லொகேஷனை தேர்வு செய்து (உதாரணமாக E:\My Downloads) OK கொடுக்கவும்.

ஒரு வேளை ஒவ்வொருமுறை டவுன்லோடு செய்யும் பொழுதும், எங்கு சேமிக்க வேண்டும் என கேட்கும் வசதி தேவைப்பட்டால், அதற்கு கீழாக உள்ள Always ask me where to save files என்பதை தேர்வு செய்து OK கொடுங்கள்.

அவ்வளவுதான்.
0
By - கருத்துகள் இல்லை:
Tagged In: