உங்கள் வீட்டிலோ அல்லது அலுவலகத்திலோ உள்ள கணிணியில் பென் ட்ரைவ் அல்லது மெமரி கார்டு போன்ற சாதனங்களை முடக்க ( Disable ) கணிணியின் பயாஸ் (Bios)அமைப்பில் ஒரு வசதி உள்ளது.

பயாஸ் செல்ல கணிணி ஆன் செய்தவுடன் Del பட்டனை அழுத்துங்கள். சில கணிணிகளில் ESC அல்லது F1 அல்லது F2 ஆக இருக்கலாம். அதில் Advanced Settings அல்லது Peripheral Settings செல்லுங்கள். கீழ்வரும் USB legacy அல்லது Usb Function என்பதில் Enabled இருந்தால் அதை Disable ஆக மாற்றி சேமித்து விட்டால் பின்னர் USB வழியாக எந்த கருவியும் செயல்படாது.

சில சமயம் USB போர்ட்டில் இயங்கக்கூடிய அச்சடிப்பான் இருந்தால் அதற்கு ஒரு மாற்று வழி உள்ளது. இதற்கு நீங்கள் பயாஸில் எந்த மாற்றமும் செய்யாமல் Start – Run சென்று Regedit என்று தட்டச்சு செய்யுங்கள். Registry திறக்கப்பட்டவுடன் கீழ்வரும் பகுதிக்கு செல்லுங்கள்.

HKEY_LOCAL_MACHINE\SYSTEM\ControlSet001\Services\USBSTOR

Usbstor ஐ கிளிக் செய்தால் வலது பக்க சன்னலில் உள்ள Start என்பதை தெரிவு செய்து அதன் மதிப்பை 4 என்று கொடுத்து விட்டு ரெஜிஸ்ட்ரியில் இருந்து வெளியேறி கணிணியை Restart செய்யவும்.பின்னர் உங்கள் கணிணியில் யாரேனும் பென் ட்ரைவ் போன்றவற்றை செருகி எதையும் நகல் எடுக்க முடியாது. மற்றபடி நீங்கள் Usb பிரிண்டர் இணைத்திருந்தால் அது மட்டும் வேலை செய்யும். மறுபடியும் வேண்டுமானால் அதன் மதிப்பை 3 ஆக மாற்றவும்

"USB ஸ்டிக் புகைப்படங்கள்" ஒரு எச்சரிக்கை!

தற்போது நிலைமை தலைகீழ் நவீன உலகத்தில் ஃபிலிம் எல்லாம் அதிசய பொருளாகி விட்டது டிஜிட்டல் கேமரா வந்த பிறகு. நவீன உபகரணங்கள் நம் வாழ்க்கையை எளிமை படுத்துவதை போல பல சிக்கல்களையும் உடன் கொண்டு வந்து விடுகிறது. யார் வேண்டும் என்றாலும் எதை வேண்டும் என்றாலும் யாருடைய உதவியும் இன்றி படம் எடுக்கலாம் என்று ஆகி விட்டது. பிரிண்ட் போட்டு தான் நாம் படம் எடுத்ததை பார்க்க முடியும் என்ற காலம் எல்லாம் மலையேறி விட்டது. இதுவே பலரை தைரியமாக தவறு செய்ய தூண்டுகிறது.

டிஜிட்டல் கேமராவால் ஏற்படும் பிரச்சனைகளை விகடன் தனது பத்திரிக்கையில் ஏற்கனவே இது பற்றி விலாவாரியாக கட்டுரை எழுதி அனைவரையும் எச்சரிக்கை செய்து இருந்தது, இதோடு என் அனுபவத்தையும் உங்களிடம் பகிர்ந்து கொள்கிறேன்.

கடந்த வாரம் என் மகனின் படத்தை பிரிண்ட் போடுவதற்காக என்னுடைய USB ஸ்டிக்கில் உள்ள மற்ற அனைத்து தகவல்களையும் அழித்து விட்டு (தேட சிரமமாக இருக்கும் என்பதால்) பிரிண்ட் போட போகும் படத்தை மட்டும் காபி செய்து கொண்டு உடனடியாக (Instant) பிரிண்ட் போட்டு தரும் கடையில் சென்று கொடுத்தேன்.

நான் USB ஸ்டிக் கொடுத்து அவர்களுடைய Preview பார்க்கும் ஃபோட்டோ இயந்திரத்தில் அதை சொருகிய பிறகு நான் எப்போதோ டெலீட் செய்த படங்கள் எல்லாம் காட்ட எனக்கு அதிர்ச்சி ஆகி விட்டது.

எனக்கு இது வரை இதற்கென்று தனியாக உள்ள மென்பொருளை பயன்படுத்தினால் மட்டுமே டெலீட் செய்த கோப்புகளை பார்க்க முடியும் என்று நினைத்து இருந்தேன், ஆனால் இதில் எதையும் பயன்படுத்தாமல் அப்படியே அனைத்து தகவல்களையும் உடனே காட்டியது (ஒருவேளை இதில் ஏற்கனவே அதை போல மென்பொருள் உள்ளதா என்பது தெரியவில்லை). ஓரளவு இதை பற்றிய தொழில்நுட்பம் அறிந்து இருக்கும் எனக்கே இந்த நிலைமை என்றால் இதை பற்றி எல்லாம் எதுவுமே தெரியாதவர்கள் நிலையை நினைத்தால் ரொம்ப பரிதாபமாக இருக்கிறது.

இதை நான் இங்கு கூற காரணம், தற்போது காதலர்கள், கணவன் மனைவிகள், மற்றும் ஒரு சில சிற்றின்ப காதலர்கள்!! என்று பலர் தாங்கள் மட்டும் பார்த்து ரசிப்பதற்காக தங்களை "ஏடாகூடமாக" படம் எடுத்து வைத்து கொள்கிறார்கள். இவர்கள் தாங்கள் டெலீட் செய்து விட்டதாக நினைத்து வேறு படங்களை பிரிண்ட் போட USB ஸ்டிக்கை கொடுத்தால் அவர்கள் கதி அதோ கதி தான்.

இதை வைத்து அவர்கள் மிரட்டப்படலாம், இந்த படங்கள் இணையத்தில் விடப்படலாம் (உங்கள் அனைவருக்கும் தெரியும் இதை போன்ற படங்கள் மின்னஞ்சலில் எப்படி காட்டு தீயாக பார்வர்டு ஆகும் என்பது), இணையத்தில் இதை போன்ற படங்களை வீடியோக்களை நல்ல விலைக்கு வாங்க இதற்கென்றே பல கும்பல்கள் உண்டு. விஷயம் வெளியே தெரிந்தால் கற்பனை செய்தே பார்க்க முடியவில்லை, அதன் பிறகு பாதிக்கப்பட்டவர்கள் அடையும் மன உளைச்சல்கள் சொல்லி மாளாது.

இதை போல எடுக்கப்பட்ட பல படங்கள் இணையத்தில் உலா வருகிறது, வீடியோக்கள் உட்பட. பள்ளி, கல்லூரி, அலுவலக, குடும்ப பெண்கள் பலர் உணர்ச்சிவசப்பட்ட தருணங்களில் எடுக்கப்பட்ட படங்கள் என்று பீதியை கிளப்புகிறது. இவர்களுக்கெல்லாம் அறிவே கிடையாதோ! என்று தான் நினைக்க தோன்றுகிறது. நாளை இது அனைவருக்கும் தெரிந்து அந்த பெண் உட்பட அந்த குடும்பத்தின் நிலை என்ன ஆகும் என்ற கவலை கொஞ்சம் கூட இல்லையா! எப்படி இதை போல முட்டாள் தனமாக குறிப்பாக தைரியமாக படம், வீடியோ எடுக்க அனுமதிக்கிறார்கள் என்பது புரியாத புதிராக உள்ளது. ஆண்களுக்கு பிரச்சனை இல்லை நம் சமூகம் பெரிதாக கருதாது ஆனால் பெண்களின் நிலைமை!!

தற்போது நண்பர்களிடையே அடல்ட் படங்கள் உலா வருவது சகஜம், ஒருவரிடையே உள்ள லேப்டாப், டெஸ்க்டாப், USB ஸ்டிக் அல்லது மின்னஞ்சலில் என்று ஏதாவது ஒன்றில் ஒரு அடல்ட் படமாவது இல்லாமல் இருப்பது மிக அதிசயமான சம்பவம் ஆகும், அது நண்பர்களிடம் இருந்து வந்ததாகவும் இருக்கலாம் அல்லது தாங்களே தரவிறக்கம் செய்ததாகவும் இருக்கலாம். இதை தவறு என்று கொடி பிடிக்க வரவில்லை, அதை கூற நான் உத்தமனும் அல்ல.

ஒவ்வொருவரின் வாழ்க்கையிலும் இன்னொரு பக்கம் உண்டு, இரகசியம் இல்லாத மனிதன் கிடையாது, ஆனால் நாம் எப்படி தான் எச்சரிக்கையாக இருந்தாலும் ஏதாவது ஒரு வழியில் ஏமாந்து விடுவோம். ஆனால் எதை பற்றியும் கவலை படாமல் குருட்டு தைரியத்தில் இருப்பவர்களை என்னவென்று சொல்வது. எனவே இதை போல படங்களை எடுக்காதீர்கள், எடுக்க அனுமதிக்காதீர்கள் அப்படியே எடுத்தாலும் மிக எச்சரிக்கையாக இருங்கள், தொழில் நுட்பம் அதிவேகமாக வளர்ந்து கொண்டு இருக்கிறது.

யு.எஸ்.பி.போர்ட் சாதனங்களை முறையாக நீக்க

ஆதிகாலத்தில் -அட கம்யூட்டர் வந்த புதியதில்ங்க.... நாம் தகவல்களை பரிமாரிக்கொள்ள             பிளாப்பியை உபயோகித்து வந்தோம். 1.44 எம்.பி. கொள்ளளவு கொண்ட பிளாப்பி சுமார் ரூ.15-லிருந்து ரூ25 வரை விற்றுக்கொண்டிருந்தது. சி.டி.வாங்க வேண்டுமானால் 70-80 ரூபாய் ஆகும்.               ரீ-ரைட் டபிள் சி.டி. 125 ரூபாய் ஆகியது. காலங்கள் மாறியது.

சி.டி.யே இப்போது 8 ரூபாய்க்கும் -டி.வி.டி. ரூபாய் 10-லிருந்

தும் கிடைக்கின்றது. ரீ-ரைட்டபிள் டி.வி.டி. ரூபாய் 45 க்கு

கிடைக்கின்றது. சரி அதையெல்லாம் விடுங்க. பலமுறை

அழித்து - மீண்டும் எழுத இப்போது பரவலாக பென் டிரைவ்

கிடைக்கின்றது. 4  ஜி.பி. கொள்ளளவே சுமார் 450 ரூபாய்க்கு

கிடைக்கின்றது. பிளாப்பி-சி.டி.-டி.வி.டி- என மாறியவர்கள்

இப்போது பென்டிரைவ்க்கு மாறி வருகின்றார்கள்.

கம்யூட்டர் தயாரிக்கும் நிறுவனங்களும் யு,எஸ்.பி. போர்ட்டை

இப்போது கம்யூட்டருக்கு முன்புறம் பொருத்துமாறு தயாரிக்

கின்றார்கள்.பென்டிரைவ் தவிர டிஜிட்டர் கேமராக்கள்,

ஐ -பாட்கள்,பிரிண்டர்கள் ,பிளேயர்கள் என அனைத்தும்

பிளக் அண்ட் பிளே வகையில் சொருகி பின் எடுதது

செல்லும் வகையில் அமைந்துள்ளது. தேவைப்படும் சமயம்

அதை சொருகி பயன்படுத்தலாம். ஆனால் நினைத்தஉடன்

அதை வெளியே எடுக்க கூடாது. இது சில இழப்புகளை

நமக்கு உருவாக்கும். யு,எஸ்.பி்.போர்டில் எப்போதும்

குறைந்த அளவு மின்சக்தி இருக்கும். இதை எடுத்தேன்

கவிழ்த்தேன் என நாம் எடுக்கும் சமயம் மின்ஒட்டம்

பாதிக்கப்பட்டு கம்யூட்டரில் பரவும். நமது தகவல்கள்

அழிந்து போகும். டிரைவ் கொடுவதோடு அல்லாமல்

நமது இதர சாதனங்களான பிரிண்டர்-கேமரா - பிளேயர்

என அனைத்தும் ஈடு செய்ய இயலாத அளவு பாதிக்கப்படும்.

இது நமக்கு தேவையா...அதனால் வரும்முன்

காப்பதே நல்லது. இனி யு,எஸ்.பி.சாதனங்களை எப்படி

முறையாக கையாளலாம் என பார்க்கலாம்.

யு.எஸ்.பி.போர்டில் நாம் சாதனத்தை இணைத்ததும்

சிஸ்டம் டிரேயின் அடிப்பாகத்தில் நமக்கு நாம்

இணைத்துள்ள சாதனத்தின் ஐ-கான் தெரியும்.

நமது வேலைகள் முடிந்ததும் அந்த ஐ-கான் மீது

கர்சரால் கிளிக் செய்தால் உங்களுக்கு கீழ்கண்ட

விண்டோ ஓப்பன் ஆகும்.

இதில் உள்ள Stop கிளிக் செய்தபின உங்களுக்கு கீழ்கண்ட

விண்டோ ஒப்பன் ஆகும்.

இப்போது ஓ.கே. கொடுங்கள். உங்களுக்கு கீழ்கண்ட விண்டோ

ஓப்பன் ஆகும்.

இப்போது நீங்கள் உங்கள் சாதனத்தை வெளியே எடுத்துக்

கொள்ளலாம்.இவ்வாறு முறையாக செய்வதினால் நமது

தகவல்கள் பாதுகாக்கப்படுவதுடன் சாதனங்களும் பழுதாகாது.

அடுத்த முறை யு,எஸ்.போர்டில் எந்த சாதனத்தையும்

இணைத்து அதை நீக்கும்போது இந்த தகவலை நினைவில்

வையுங்கள்.

Windows XP -ல் மை கம்ப்யூட்டரில் USB ட்ரைவை காணவில்லையா? My Computer -ல் USB Drive அல்லது External Drive, Memory Card ஐ காண்பிக்க வில்லை எனில், உங்கள் இயங்குதளம் உங்கள் ட்ரைவ் லெட்டரை, ஏற்கனவே உபயோகத்தில் உள்ள ட்ரைவ் லெட்டரை கொண்டு மாற்றியிருந்தால் இப்படி நிகழ வாய்ப்பு இருக்கிறது.

மறுபடியும் தேவையான ட்ரைவ் லெட்டரைக் கொண்டு ரீ நேம் செய்வதன் மூலமாக இதனை சரி செய்யலாம்.

My Computer -ல் வலது கிளிக் செய்து Manage என்பதை கிளிக் செய்யுங்கள்.

Computer Management திரையில் Disk Mangement என்பதை தேர்வு செய்யுங்கள். 

இப்பொழுது திரையில் உங்கள் கணினியில் உள்ள அனைத்து ட்ரைவ்களையும் அதனுடைய Healthy status ஐயும் காணலாம்.

இதில் உள்ள SONY என்ற USB Drive இன் ட்ரைவ் லெட்டரை மாற்ற, அந்த லிஸ்டில் உள்ள அந்த குறிப்பிட்ட ட்ரைவில் வலது கிளிக் செய்து Context Menu வில் “Change Drive Letters and Paths…”  என்பதை கிளிக் செய்யுங்கள்.

 

இனி திறக்கும் டயலாக் பாக்ஸில் Change  பட்டனை கிளிக் செய்யுங்கள்.

இனி ட்ராப் டவுன் லிஸ்டில் இருந்து தேவையான ட்ரைவ் லெட்டரை தேர்வு செய்யுங்கள்.

பிறகு வரும் கன்பர்மேஷன் திரையில் Yes கிளிக் செய்யுங்கள்.

அவ்வளவுதான்.